बिगत ३ दिन देखि रुपन्देहीमा कोरोना सक्रमणको दर उकालो लाग्दै

बुटवल । रुपन्देहीमा पछिल्लो २४ घण्टामा ३३ जना नयाँ कोरोना संक्रमित थपिएका छन् । रुपन्देहीमा भएको १२० नमुना परीक्षणमा ३३ जनामा कोरोना संक्रमण पुष्टि भएको हो ।

सोही अवधिमा जिल्लाका होम आइसोलेशन सहित अस्पतालहरुबाट २१ जना कोरोना मुक्त भएका छन् । स्वास्थ्य कार्यालय रुपन्देहीका अनुसार पछिल्लो ३ दिनमा रुपन्देहीमा कोरोना संक्रमणको दर बढेको देखिएको छ । असार २० गते १८ जनामा कोरोना संक्रमण पुष्टि भएकोमा २१ गते २८ जना र २२ गते ३३ जनामा संक्रमण पुष्टि भएको छ ।

रुपन्देहीमा सक्रिय संक्रमितको संख्या पनि थपिँदै गएको छ । पछिल्लो ३ दिनमा असार २० गते ३०५ जनामात्र जिल्लामा सक्रिय संक्रमित रहेकोमा २१ गते ३२९ जना र २१ गते ३४१ जना संक्रिय संक्रमित रहेका छन् । जिल्लामा मृत्युको संख्या भने २ दिन देखि शुन्यमा झरेको छ ।