काठमाडौं । प्रधानमन्त्री केपी शर्मा ओलीले राष्ट्रपति विद्यादेवी भण्डारीसँग भेट गरेका छन् ।
राष्ट्रपति भण्डारीलाई भेट गर्न प्रधानमन्त्री ओली शनिबार साँझ राष्ट्रपति भवन शितल निवास गएका छन् । साँझ ५:४५ बजेदेखि राष्ट्रपति र प्रधानमन्त्रीबीच छलफल चलिरहेको बताइएको छ ।
प्रतिनिधिसभा विघटनमा राष्ट्रपतिको निर्णय विरुद्ध सर्वोच्च अदालतमा परेको मुद्दाको फैसला आउने दुई दिन र एमाले विवाद समाधानका लागि कार्यदल सहमतिउन्मुख बनेको अवस्थामा प्रधानमन्त्री ओलीले राष्ट्रपतिसँग भेट गरेका छन् ।
राष्ट्रपति भण्डारीले विगतमा नेकपाको विवादमा चासो राख्दै आएकी थिइन भने अहिले नेकपा एमालेको विवादमा समेत चासो राख्दै आएकी छिन् ।
प्रतिक्रिया