नेपालगन्ज । बाँके प्रहरीले रेडपाण्डाको छाला र भालुको पित्त सहित ३ जनालाई पक्राउ गरेको छ । प्रहरीले नेपालगन्ज उपमहानगर १ पुष्पलालचौक स्थित राप्ती गेष्टहाउसबाट उनीहरुलाई पक्राउ गरेको हो ।
गोप्य सूचनाका आधारमा शनिबार राती नेपालगंज उप-महानगरपालिका १ पुष्पलाल चोक स्थित रहेको राप्ती गेष्ट हाउस भित्र संरक्षित वन्यजन्तुका अंगको कारोबार भईरहेको भन्ने सूचनाको आधारमा लुम्बिनी प्रदेश प्रहरी कार्यालय दाङ र जिल्ला प्हरी कार्यालय बाँकेको संयुक्त टोलीले छापा मारेर १ थान रेडपाण्डको छाला र ४ वटा भालुको पित्त बरामद गरेको बाँके प्रहरीले जनाएको छ ।
सो प्रतिबन्धित सामन सहित घोराही उप-महानगरपालिका ४ का भक्त बहादुर पुन र केशव पुन तथा शान्तीनगर गाँउपालिका १ का रोबिन बुढालाई पक्राउ गरिएको बाँके प्हरी प्रवक्ता डीएसपी मधुसुदन न्यौपानेले बताए । सो गेष्ट हाउसको काठा नम्बर १० मा कसिरहेका उनीहरुले कपडाले बेरेर लुकाईराखेको अवस्थामा १ थान रेडपाण्डाको छाला र खाटको सिरानीमुनीबाट ४ वटा भालुको पित्त बरामद गरेको डीएसपी न्यौपानेले बताए ।
पक्राउ परेकाहरुलाई बन्यजन्तु संरक्षण ऐन बमोजिम कारवाहीका लागि अनुसन्धान भइरहेको प्रहरीले जनाएको छ ।
प्रतिक्रिया