काठमाडौं । नेपाली कांग्रेसले सर्वोच्च अदालतको फैसलालाई सहज रुपमा लिन आग्रह गरेकोछ ।
कांग्रेस सभापति शेरबहादुर देउवाले सोमबार प्रेस विज्ञप्ति जारी गर्दै अदालतको फैसलालाई कसैको पनि हार जितको रुपमा नलिन अपील गरेका हुन् ।
सभापति देउवाले फैसलालाई कसैले पनि व्यक्तिगत जित हारको विषयका रुपमा नलिई लोकतन्त्र, लोकतान्त्रिक संविधान अनि समग्रमा देश र जनताको हितमा उपयोग गरेर जानुपर्ने बताएका छन् । देउवाले फैसलाले लिक बाहिर धकेलिएको संविधानलाई ट्रयाकमा ल्याएको जिकिर गर्दै स्वतन्त्र न्यापालिकाप्रतिको आस्था र विश्वासलाई थप अभिवृद्धि गरेको बताएका छन् ।
देउवाले फैसलाले देश र जनतको हितमा संयम र एकतासाथ समर्पित भएर कार्य गर्न सबैलाई अझ जिम्मेवार बनाएको उल्लेख गरेका छन् ।
देउवाले संविधान र लोकतन्त्रको रक्षाका लागि विभिन्न ढंगले आन्दोलनमा सरिक भएका राजनीतिक दल, नागरिक आन्दोलन, कानून व्यवसायी, विभिन्न संघसंस्थाहरु एवं संचार माध्यमलाई बधाई दिएका छन् ।
प्रतिक्रिया