काठमाडौं । नेकपा एमालेभित्रको विवाद समाधानका लागि गठित कार्यदलले तयार पारेको पार्टी एकताको १० बुँदे सहमतिको प्रस्ताव एमाले वरिष्ठ नेतामाधव कुमार नेपालले बुझेका छन् । १० सदस्सीय कार्यदलले तयार पारेको १० बुँदे सहमतिको प्रस्ताव नेता नेपाललाई बुझाउन कार्यदलमा नेपाल पक्षका संयोजक भिम रावल सहित ओली पक्षका संयोजक सुवास नेम्वाङ र उप महासचिव विष्णु पौडेल नेपाल निवास कोटेश्वर पुगेका थिए ।
कार्यदलले आइतबार राति पार्टीभित्रको विवाद समाधानका लागि १० बुँदे सहमति तयार गरेको थियो । कार्यदलमा जुटेको सहमतिपत्र सोमबार अध्यक्ष केपी शर्मा ओलीलाई बुझाइएको थियो भने आज वरिष्ठ नेता नेपाललाई बुझाइृएको छ ।
सोमबार अध्यक्ष ओली समूहको स्थायी कमिटी अनौपचारिक बैठक चलिरहेका बेला रावल सहित कार्यदलका सदस्यहरुले बैठक कक्षमै प्रवेश गरेर सहमतिपत्र बुझाएका थिए । ओलीलाई सहमति पत्र बुझाउने बेलामा पनि नेपाल पक्षबाट कार्यदलका संयोजक रावल बालुवाटार पुगेका थिए ।
प्रतिक्रिया