अर्थमन्त्री शर्माको पहिलो निर्णय : खोप खरिदका लागि ५ अर्ब निकासा

काठमाडौं । नवनियुक्त अर्थमन्त्री जनार्दन शर्माले कोरोना भाइरस विरुद्धको खोप खरिद गर्न पाँच अर्ब रुपैयाँ निकासा गरेका छन् ।

बुधबार अर्थमन्त्रालयमा अर्थमन्त्रीको पदभार ग्रहण गर्दै शर्माले कोरोना विरुद्धको खोपका लागि पाँच अर्ब रकम निकासा गर्ने पहिलो निर्णय गरेका हुन् ।

परभार ग्रहणपछि मन्त्री शर्माले भने, सरकारको पहिलो जिम्मेवारी जनताको जीवन रक्षा गर्नु हो । कोरोना महामारीमा जनताको जीवन रक्षा गर्न सरकार केन्द्रित हुन्छ ।’ मंगलबार मात्रै गठन भएको देउवा सरकारको पहिलो मन्त्रिपरिषद् बैठकले आगामी चैत महिनाभित्र सबै नेपालीलाई खोप उपलब्ध गराउने निर्णय गरेको थियो । बैठकले हालसम्म कोरोना नियन्त्रणमा भएको खर्च रकम सार्वजनिक समेत गर्ने निर्णय गरेको थियो ।

अर्थमन्त्री शर्माले स्वास्थ्यकर्मीहरुलाई जोखिमभक्तका लागि समेत रकम निकासा स्वीकृत गरेका छन् ।