विशेष अदालतबाट पूर्वउपप्रधानमन्त्री गच्छदारलाई १० लाख धरौटीमा रिहा गर्न आदेश

काठमाडौं । ललिता निवास प्रकरणमा बालुवाटारको सरकारी जग्गा कीर्ते प्रकरणमा विशेष अदालतमा हाजिर भएका पूर्वउपप्रधानमन्त्री एवं कांग्रेस नेता विजयकुमार गच्छदारलाई अदालतले धरौटीमा छाड्ने आदेश दिएको छ । फरार रहेका गच्छदार आज आफै कानुन व्यवसायी सहित अदालतमा हाजिर भएपछि भएको थुनछेक बहसको सुनुवाइ गर्दै विशेष अदालतले गच्छदारलाई १० लाख धरौटीमा छाड्न आदेश दिएको हो ।

गच्छदारविरुद्ध परेको मुद्दामा विशेष अदालत काठमाडौंले उक्त आदेश दिएको अदालतका प्रवक्ता पुष्पराज पाण्डेले जनाएका छन् ।

यो समाचार तयार पार्दा सम्म अदालतमै रहेका गच्छदार अदालतले ताकेको धरौटी बुझाएर आजै छुट्ने तयारीमा रहेको बताईएको छ ।

लामो समयदेखि अदालतको सूचिमा फरार रहेका गच्छदार बुधबार बिहान अदालतमा कानुन व्यवसायी सहित उपस्थित भएका थिए।