बुटवल । लुम्बिनी प्रदेशसभामा सत्तापक्षबाट बैठक बहिस्कार गरेपछि शुक्रबार दिउँसो १ बजे सम्मका लागि बैठक स्थगित गरिएको छ । प्रदेशसभामा सरकारबाट प्रस्तुत बजेटका सम्बन्धमा छलफल सकिएर मन्त्री र मुख्यमन्त्रीबाट जवाफ समेत दिईसकेपछि मतदान प्रक्रिया शुरु हुनै लागेका बेला सत्तापक्ष एमालेले बैठक बहिस्कार गरेर बाहिरिएको थियो ।
सभामुख पुर्ण घर्तीले छलफलका लागि आधा घण्टा बैठक स्थगित गरेपनि बैठकमा एमाले सहभागि हुने अवस्था नदेखिएपछि शुक्रबार दिउँसो १ बजे सम्मका लागि बैठक स्थगित गरिएको छ । सत्तापक्षबाटै संसदीय सबै प्रक्रिया पुरा गरेर मतदान प्रक्रिया शुरु हुन लाग्दा बैठक छाडेर हिँड्नुलाई प्रदेशसभाका सभामुख घर्तीले ऐतिहासिक क्षण भनेका छन् ।
असार मसान्त भित्र बजेट प्रदेशसभाबाट पास गराएर साउन १ गतेबा६ कार्यान्वयनमा जानुपर्नेमा आजकाे बैठकबाट बजेट पास हुन नसकेपछि लुम्बिनी प्रदेशकाे बजेट नै अलपत्र परेकाे छ ।
बैठकमा फर्कन नमानेपछि प्रदेशसभाका सचिव दुर्लभकुमार पुनले सूचना टाँसेर बैठक स्थगित गरेका छन् ।
प्रतिक्रिया