१६ चैत्र २०८०, शुक्रबार | March 29, 2024

हेलिकप्टरमार्फत् उत्तरी गोरखामा पुर्‍याइयो कोरोनाविरुद्धको खोप



गोरखा । उत्तरी गोरखाको चुमनुव्री गाउँपालिकामा हेलिकप्टरमार्फत् कोरोनाविरुद्धको खोप पुर्‍याएको छ ।

मौसम खराबीका कारण यसअघि नै पुर्‍याउने भनिएको खोप शनिबार मात्र चुमनुव्रीका विभिन्न खोप केन्द्रमा पुर्‍याइएको स्वास्थ्य कार्यालय गोरखाका खोप शाखाका प्रमुख ऋषिराम खत्रीले जानकारी दिए ।

जेठको अन्तिम सातादेखि परेको अविरल वर्षाका कारण उत्तरी गोरखाको चमनुव्रीका सडक, पैदल र खच्चड हिड्ने बाटो अवरुद्ध भएकाले हेलिकप्टरमार्फत् खोप ढुवानी गरिएको उनले बताए । ‘सडक मार्गबाट खोप लैजान सक्ने अवस्था नरहेकाले हेलिकप्टरमार्फत् खोप पुर्‍याएको हो,’ शाखा प्रमुख खत्रीले भने, ‘शुक्रबार नै लैजाने भनिए पनि मौसम खराबीका कारण आज मात्र खोप ढुवानी गरिएको छ ।’

भेरोसेल खोपको तीन हजार डोज माउन्टेन चाइल्ड नामक अन्तर्राष्ट्रिय गैरसरकारी संस्थाको सहयोगमा हेलिकप्टर चार्टर गरेर चुमनुव्री पुर्‍याइएको प्रमुख खत्रीले बताए । चुमनुव्री पुर्‍याइएको खोप गाउँपालिकाभित्रका १८ वर्षदेखि माथि उमेर समूहका सबैलाई लगाइने उनको भनाइ छ ।

उक्त क्षेत्रमा तीन हजार ७०८ नागरिक बस्दै आएका छन । केहीले यसअघि नै खोप लगाइसकेका र केही राजधानीमा बसोबास गर्दै आएका कारण तीन हजार डोज भए पुग्ने अनुमान गरिएको प्रमुख खत्रीले जानकारी दिए । रासस

प्रकाशित मिति : ३ श्रावण २०७८, आइतबार  ७ : ४१ बजे

जलवायु परिवर्तनको सबैभन्दा बढी असर जलस्रोतमा परेको छ : मन्त्री बस्नेत

काठमाडौं । ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनको

सुनको मूल्यले बनायो अहिले सम्मकै नयाँ रेकर्ड

काठमाडौं । नेपाली बजारमा सुनको भाउले शुक्रबार अहिले सम्मकै नयाँ रेकर्ड

चीनको ‘जीडीआई’बाट नेपालले पनि लाभ लिनसक्छ : एमाले उपाध्यक्ष पौडेल

काठमाडौं । नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेलले

महिला सशक्तिकरणको मुख्य आधार आर्थिक सवलीकरण हो : प्रधानमन्त्री प्रचण्ड

काठमाडौं ।। प्रधानमन्त्री पुष्पकमल दाहाल ‘प्रचण्ड’ले महिला सशक्तिकरणको सबैभन्दा प्रमुख

जीर्ण महोत्तरी कारागारको तत्काल जीर्णोद्धार थाल्न सुझाव

महोत्तरी । महोत्तरी कारागार जीर्ण भएको छ । सङ्घीय संसद्को