काठमाडौं । एमाले नेतृ रामकुमारी झाँक्रीले प्रधानमन्त्री शेरबहादुर देउवालाई विश्वासको मत दिनु कर्तब्य भएको बताएकी छिन् । आफ्नो ट्वीट एकाउण्टमा ट्वीट गर्दै नेतृ झाँक्रीले अदालतको परमादेशको आदेश पछि बनेको सरकार र प्रधानमन्त्रीलाई विश्वासको मत दिनु कर्तब्य भएको बताएकी हुन् ।
झाँक्रीले आफुहरुले ७६(५) को प्रधानमन्त्रीका लागि संघीय संसदका माननीय सदस्य शेरबहादुर देउवालाई समर्थन दिएको स्मरण गर्दै सकिन्छ एमाले संस्थागत निर्णय गरेर, त्यो संकिँदन २३ जना सांसदले देउवाको पक्षमा मत दिने पर्ने बताएकी छिन् । ‘हामीले ७६(५) को प्रमको लागि संघिय संसदका माननीय सदस्य माननीय शेरबहादुर देउवालाई समर्थन गरेका थियौँ।’ उनले लेखेकी छिन्, -‘१४९ जनाको समर्थन हुँदा पनि राष्ट्रपतिबाट नियुक्ति नभएपछि १४६ जना सदस्यहरू सर्वोच्च अदालतको ढोका ढकढकाउन पुगेका हौँ।’
उनले संसदको पुरा कार्यकाल संचालन गर्न सबैले विवेक प्रयोग गरी सरकारको पक्षमा भोट हाल्न सांसदहरूलाई आग्रह समेत गरेकी छिन् । अरु कसैले नहालेपनि २३ एमाले सांसदको मत देउवाको पक्षमा जाने झाँक्रीले दाबी गरेकी छिन् ।
हामीले ७६(५) को प्रमको लागि संघिय संसदका माननीय सदस्य माननीय शेरबहादुर देउवालाई समर्थन गरेका थियौँ। १४९ जनाको समर्थन हुँदा पनि राष्ट्रपतिबाट नियुक्ति नभएपछि १४६ जना सदस्यहरू सर्वोच्च अदालतको ढोका ढकढकाउन पुगेका हौँ।
— Ram kumari Jhakri (@Jhakri_didi) July 18, 2021
अदालतले परमादेशको आदेश जारी गरेपछि बनेको सरकार र प्रधानमन्त्रीलाई विश्वासको मत दिनु हाम्रो कर्तव्य हो। सकिन्छ नेकपा एमालेले संस्थागत निर्णय गरी फ्लोरमा बसेर विश्वासको मतको पक्षमा भोट हालौँ।
— Ram kumari Jhakri (@Jhakri_didi) July 18, 2021
त्यसो गर्न सकिदैन भने सांसदहरूलाई संसदको पुरा कार्यकाल संचालन गर्न हामी सबैले विवेक प्रयोग गरी पक्षमा भोट हालौं। यदि त्यो पनि भएन भने हामी २३ जना निवेदककर्ताले भोट हाल्नु त हाम्रो कर्तव्य नै हो। हामीले विश्वासको मतको पक्षमा भोट हाल्नेछौं।
— Ram kumari Jhakri (@Jhakri_didi) July 18, 2021
प्रतिक्रिया