१५ चैत्र २०८०, बिहिबार | March 28, 2024

भीम रावलद्वारा सांसद पदबाट राजीनामा



काठमाडौं । नेकपा एमालेका उपाध्यक्ष एवं सांसद भीम रावलले प्रतिनिधिसभा सदस्यबाट राजीनामा दिएका छन् ।

एमालेभित्र माधवकुमार नेपाल पक्षका बलिया खम्बा रहेका रावल पछिल्लो केही दिन यता पार्टीभित्रको विवाद समाधानका लागि प्रयत्नशील छन् । तर, प्रधानमन्त्री शेरबहादुर देउवालाई विश्वासको मत दिने या नदिने भन्ने विषयमा नेपालपक्षभित्र विवाद देखिएपछि रावलले सांसद पदबाटै राजीनामाको बाटो रोजेका हुन् । रावलले आफ्नो समुहभित्र देउवालाई विश्वासको मत दिन नहुने अडान राखेका थिए ।

रावलले प्रतिनिधिसभा सदस्य पदबाट आइतवार सभामुखलाई राजीनामा बुझाएका छन् । राजीनामा बुझाएपछि संसद भवनबाहिर संचारकर्मीहरुसँग कुरा गर्दै रावलले दुषित राजनीतिक खेलको मतियार बन्नुभन्दा सांसद पदबाटै बाहिरिनु आफ्ना लागि उचित भएको बताए ।उनले भने, ‘देशमा हाल भइरहेको जनविरोधी राजनीतिमा मतियार भएर दुषित खेल खेल्नु भन्दा प्रतिनिधिसभाबाट नै अलग भएको छु । राजनीति र त्यसका सबै संयन्त्र देश र जनताको हितमा लाग्नुपर्ने थियो तर राजनीतिक नेतृत्वले देशलाई अनिश्चयतिर धकेलिदियो।’

संविधाको धारा ७६ (५)अनुसार देउवालाई प्रधानमन्त्री बनाउनुपर्ने दाबीसहित राष्ट्रपतिकहाँ पठाएको पत्रमा हस्ताक्षर गरेका रावलले निवर्तमान प्रधानमन्त्री केपी शर्मा ओलीले प्रतिनिधिसभा विघटन गरेपछि त्यस विरुद्ध आफु निकट सांसदहरुको हस्ताक्षर जुटाउन र सर्वोच्च अदालतमा रिट हाल्ने नेतृत्व गरेका थिए ।

एमालेको संस्थापन र नेपाल पक्षसम्मिलित १० सदस्यीय विवाद समाधान कार्यदलका नेपाल पक्षका संयोजक रहेका रावल पार्टीको विवाद समाधान हुनुपर्ने अडान राख्दै आएका छन् । केही समय पहिले भने रावलले अध्यक्ष केपी शर्मा ओलीको सबैभन्दा चर्को आलोचना गर्ने गर्थे ।

 

 

प्रकाशित मिति : ३ श्रावण २०७८, आइतबार  ४ : २२ बजे

रुपन्देही प्रहरीले हराएका १२ थान मोवाईल फेला पारी मोबाइल धनिलाई बुझायो

बुटवल । रुपन्देही प्रहरीले जिल्लाका बिभिन्न स्थानबाट मोबाइल हराएको भन्दै

स्वास्थ्यमन्त्री यादवलाई रास्वपाको २६ बुँदे सुझाव

काठमाडौं । राष्ट्रिय स्वतन्त्र पार्टी (रास्वपा) को स्वास्थ्य विभागले बिहीबार

गगन थापाको टिप्पणी- ‘बा र भगवान प्रश्नभन्दा माथि !’

काठमाडौँ ।  नेपाली कांग्रेसका महामन्त्री गगन थापाले बा र भगवानलाई

बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले हरेक आर्थिक वर्षमा बजेट

राष्ट्रियसभाकी उपाध्यक्ष उर्मिला अर्यालको राजीनामा

काठमाडौं । राष्ट्रियसभाकी उपाध्यक्ष उर्मिला अर्यालले पदबाट राजीनामा दिएकी छन्