काठमाडौं । प्रतिनिधिसभामा मत विभाजन प्रक्रिया सुरु भएको छ ।
प्रधानमन्त्री शेरबहादुर देउवाले मागेको विश्वासको मतमाथिको छलफल सकिएपछि मत विभाजन प्रक्रिया सुरु भएको हो ।
प्रधानमन्त्री देउवाले छलफलका क्रममा उठेका प्रश्नको जवाफ दिएपछि सभामुख अग्निप्रसाद सापकोटाले मत विभाजनका लागि प्रक्रियाबारे जानकारी गराएका छन् ।
विश्वासको पक्षमा दिनेहरुले सभामुख आसनको दायाँ भागमा र विपक्षमा मतदान गर्नेहरुले बायाँ भागमा रहेको लवीमा पुगेर त्यहाँ राखिएको वर्णानुक्रमअनुसारको आफ्नो नाम भएको महलमा हस्ताक्षर गर्नुपर्नेछ ।
तटस्थ बस्नेहरुलाई सभामुखको आसन पछाडि रहेको लविमा गएर आफ्नो नाम रहेको महलमा हस्ताक्षर गर्ने व्यवस्था मिलाइएको छ । यसैगरी कोरोना संक्रमण भएका सांसदले ल्होत्से हलमा गएर मतदान गर्न सक्नेछन् ।
सांसदहरुले पक्ष, विपक्ष र तटस्थमा मतदान सुरु गरेका छन् ।
प्रतिक्रिया