काठमाडौं । प्रधानमन्त्री शेरबहादुर देउवाले विश्वासको मत हासिल गरेपछि छिमेकी मित्रराष्ट्रका समकक्षीहरुबाट बधाई सन्देश आउन सुरु गरेको छ ।
मित्रराष्ट्र पाकिस्तानका प्रधानमन्त्री इमरान खानले मंगलबार बिहान ट्वीटरमार्फत बधाई दिएका छन् । पाकिस्तानी समकक्षी खानले प्रतिनिधिसभाबाट विश्वासको मत जितेकोमा देउवालाई बधाई दिएका हुन् ।
खानले आफ्नो सन्देशमा पाकिस्तान नेपालसँग रहेको सौहार्दपूर्ण सम्बन्ध अझ गहिरो बन्ने आशा व्यक्त गरेका छन् । खानले दुई देशबीचको पारस्पारिक हित एवं साझा मुद्दामा नेपालसँग मिलेर काम गर्न पाकिस्तानले जारी राख्ने पनि उनले जनाएका छन् ।
I congratulate H.E. Sher Bahadur Deuba, Prime Minister of Nepal, on winning the vote of confidence from the House of Representatives. Pakistan looks forward to further deepening its cordial ties with Nepal & would continue to work closely with Nepal on issues of common interest.
— Imran Khan (@ImranKhanPTI) July 19, 2021
विश्वासको मत हासिल गरेलगत्तै सोमबार राति नै दक्षिणी छिमेकी भारतका प्रधानमन्त्री नरेन्द्र मोदीले आफ्नो आधिकारिक ट्वीटर ह्याण्डलबाट देउवालाई बधाई दिएका थिए ।
देउवा प्रधानमन्त्रीमा नियुक्त भएपछि एकसातासम्म मित्र राष्ट्रका राजदूतहरुले बधाई दिएपनि समकक्षीहरुबाट बधाई सन्देश आएको थिएन ।
प्रतिक्रिया