काठमाडौं । नेकपा एमालेको १०औं केन्द्रीय कमिटी बैठक आज पनि जारी छ ।
ललितपुरको च्यासलस्थित तुलसीलाल स्मृति प्रतिष्ठानमा जारी बैठकमा बैठकमा पार्टीको निर्देशन विपरित शेरबहादुर देउवालाई प्रधानमन्त्रीमा विश्वासको मत दिने २२ सांसदलाई गरिने कारवाहीबारे छलफल भैरहेको छ ।
हिजो सोमबार बसेको बैठकले माधवकुमार नेपालसहित २२ जना सांसदलाई अनुशासनको कारवाही गर्ने निर्णय गर्दै त्यसअघि २४ घण्टे स्पष्टीकरण सोध्ने निर्णय गरेको थियो । यद्यपी, एमालेले कुनै पनि सांसदलाई २४ घण्टासम्म स्पष्टीकरण सोधेको छैन ।
हिजोको बैठकले १० बुँदे सहमतिलाई कार्यान्वयन गर्ने निर्णय समेत गरेको थियो । आज सो सहमति सबै सदस्यहरुलाई वितरण गरिएको छ । १० बुँदे कार्यान्वयन गर्दै पार्टी अनुशासन उल्लंघन गर्नेहरुमाथि कठोर बन्ने एमालेले निर्णइ गरेको छ ।
यस्तै अध्यक्ष केपी शर्मा ओली नेतृत्वको सरकारका उपलब्धि, पार्टीको आगामी कार्ययोजना, पार्टीको सुदृढीकरण र शुद्धीकरण अभियान लगायतका विषयमा छलफलको कार्यसूची रहेको केन्द्रीय सदस्य एवं संसदीय दलका मुख्य सचेतक विशाल भट्टराईले जानकारी दिएका छन् ।
प्रतिक्रिया