सकियो माधव नेपाल र भीम रावलबीचको भेटवार्ता

काठमाडौं । नेकपा (एमाले) का वरिष्ठ नेता माधवकुमार नेपाल र उपाध्यक्ष डा. भीम रावलबीचको भेटवार्ता सकिएको छ ।

रावललाई भेट्न नेता नेपाल बुधबार साँझ उनकै निवास टोखा पुगेका थिए । रावल बुधबारको नेपाल पक्षीय स्थायी कमिटी बैठकमा अनुपस्थित भएका थिए ।

स्रोतका अनुसार करिब २ घण्टाको कुराकानीपछि नेता नेपाल रावल निवासबाट फर्किएका छन् । आइतबार प्रधानमन्त्री शेरबहादुर देउवाले विश्वासको मत लिनु अगाडि रावलले प्रतिनिधि सभा सदस्य पदबाट राजीनामा घोषणा गरेका थिए ।

रावलले बुझाएको राजीनामाको पत्र अहिले संघीय संसद सचिवालयमा विचाराधीन छ । भेटमा रावलले दिएको राजीनामा र पार्टीभित्रको समस्याका बारेमा छलफल भएको बुझिएको छ ।