काठमाडौं । नेपाली कांग्रेसको पदाधिकारी बैठक आज बिहान बस्दै छ ।
सभापति शेरबहादुर देउवाको निवास बूढानिलकण्ठमा आज बिहान ९ बजे पदाधिकारी तथा पूर्वपदाधिकारीहरूको बैठक बस्न लागेको हो ।
पार्टीका मुख्यसचिव कृष्णप्रसाद पौडेलका अनुसार १४ औं महाधिवेशनको तयारीमा बैठक केन्द्रित हुनेछ ।
यसअघि कांग्रेसको १४ औं महाधिवेशन भदौ १६ देखि हुने भनिएको थियो तर, क्रियाशिल सदस्यको विवाद टुंगो नलाग्दा १२ गतेबाट हुने वडा तहको अधिवेशन तोकिएको समयमा नहुने निश्चित भइसकेको छ।
साथै आजको बैठकको मुख्य एजेन्डा क्रियाशील सदस्यतामाथि देखिएका विवाद हल गर्ने बताइएको छ ।
प्रतिक्रिया