बुटवल । बुटवलमा रहेको लुम्बिनी बाणिज्य क्याम्पसमा चार विद्यार्थी संगठनले तालाबन्दी गरेका छन ।
अखिल (क्रान्तिकारी), नेपाल विद्यार्थी संघ, अखिल ९छैठौं० र अखिल क्रान्तिकारीले संयुक्त रुपमा आन्दोलन गर्दै क्याम्पस प्रमुखको कार्यकक्षमा तालाबन्दी गरेका हुन ।
एमबिएसको प्रवेश परीक्षा फाराम खुलाई एमबिएसलाई निरन्तरता नदिएसम्म अनिश्चितकालका लागि ताला लगाइएको विद्यार्थी संगठनले जनाएका छन ।
विद्यार्थी सङ्गठनले क्याम्पस प्रशासनलाई २४ घण्टे अल्टिमेटम दिँदै प्रेस विज्ञप्ति जारी गरि तत्काल फाराम खुलाउन माग गरेपनि ४ दिन बितिसक्दा समेत क्याम्पस प्रशासनले उक्त मागलाई बेवास्ता गरेको भन्दै बिहीबार चार विद्यार्थी सङ्गठनले तालाबन्दी गरेको बताएका छन् ।
क्याम्पसले त्रिभुवन विश्वविद्यालय अन्तर्गतको एमबीएस कार्यक्रम र क्रमशः बीबीएस लाई पनि हटाई पुर्ण रुपमा स्वायत्तताको बाटो हुँदै मानित विश्वविद्यालयको नाममा शैक्षिक प्रमाणपत्र व्यापार गर्ने भ्रष्टाचारको अखडा बनाउन लागेको विद्यार्थी संगठनले आरोप लगाएका छन् ।
प्रतिक्रिया