काठमाडौं । प्रधानमन्त्रीमा नियुक्त भएपछि शेरबहादुर देउवा र राष्ट्रपति विद्यादेवी भण्डारीबीच पहिलो पटक दुईपक्षिय भेटवार्ता भएको छ । प्रधानमन्त्रीमा नियुक्त गरेर देउवालाई प्रधानमन्त्रीको पद तथा गोपनियताको सपथ खुवाउँदा समेत बधाई नदिएर हिँडेकी भण्डारी र प्रधानमन्त्री देउवाबीच आज साँझ राष्ट्रपति भवनमा भेटवार्ता भएको हो । भेटमा समसामयिक विषयमा छलफल भएको बताईएको छ ।
प्रधानमन्त्री र राष्ट्रपतिबीच हुने नियमित भेटघाट अन्तर्गत राष्ट्रपति र प्रधानमन्त्रीबीच भेट भएको र भेटमा समसामयिक विषयमा छलफल भएको राष्ट्रपतिका प्रमुख स्वकीय सचिव भेषराज अधिकारीले पुष्टि गरेका छन् ।
आजै राष्ट्रपति भण्डारीले प्रतिनिधिसभामा प्रमुख विपक्षीदलका नेता केपी शर्मा ओलीसँग पनि भेटवार्ता गरेकी थिईन् ।
प्रतिक्रिया