भैरहवा । लायन्स क्लब अफ भैरहवा ग्रीन सिटीले शनिबार एकदिने लायन अभिमुखीकरण कार्यक्रम सम्पन्न गरेको छ ।
ओमसतिया गाँउपालिका वडा नम्बर ४ बसन्तपुरस्थित बोधी रेडशन रिसोर्टमा लायन्स क्लब अफ ओमसतिया र लायन्स भैरहवा ग्रीन सिटीका सदस्यहरुलाई संयुक्त रुपमा अभिमुखीकरण तालिम दिइएको लायन्स ग्रीन सिटी वर्ष २०२१/२२ का अध्यक्ष लायन गोविन्द प्रसाद गिरीले जानकारी दिए ।
कार्यक्रममा बोल्दै प्रमुख अतिथि लायन्स क्लब इन्टरनेशनल डिष्ट्रिक ३२५ बी २ नेपालका द्वितीय भाइस डिस्ट्रिक गभर्नर पिएमजेअफ लायन नवराज न्यौपानेले लायन्स ग्रिनसिटीको प्रशंसा गर्दै स्थापना कालको छोटो समयमै लायन्स क्लब अफ ओमसतियालाई जन्माउनु उत्कृष्ट कार्य भएको बताए ।
त्यस्तै लायन्स क्लब इन्टरनेशनल डिष्ट्रिक ३२५ बी २ नेपालका डिष्ट्रिक चिफ एडभाईजर एमजेअफ उमंग देवकोटाले लायन्स क्लबको विषयमा, लायन्सका विभिन्न पदाधिकारीको भूमिका तथा कर्तव्यका बारेमा जानकारी गराएका थिए ।
डिष्ट्रिक ३२५ बी २ नेपालका डिष्ट्रिक एक्जुकेटिभ चिफ महेशचन्द थापाले लायन्सको काम कर्तव्य र अनुशासन सम्बन्धी तालिम दिएका थिए । एल.सी.आइ.अफ. संयोजक ईं किरण खरेलले कोष सम्बन्धी तालिम दिएका थिए ।
डिष्ट्रिक डेपुटी सेक्रेटरी विजय पाण्डेले बैठक संचालन सम्बन्धी तालिम दिए । लायन्स भैरहवा ग्रीन सिटीका संस्थापक अध्यक्ष शिवनाथ गुप्ताले संस्था स्थापनाको बारेमा प्रकाश पारेका थिए ।
लायन्स क्लब अफ सिद्धार्थनगर वर्ष २०२१/२२ का कार्यवाहक अध्यक्ष चन्द्र बहादुर थापाले लायन्स क्लबले सामाजिक सेवामा हात अगाडी बढाएको बताए ।
कमल रायमाझीको संयोजकत्व तथा रोशन शर्माको सञ्चालनमा सम्पन्न कार्यक्रममा लायन्स क्लब अफ सिद्धार्थनगर टुलिपकी अध्यक्ष माया सारु मगर, लायन्स गीन सिटी तथा लायन्स ओमसतियाका सदस्यहरुको उल्लेखनिय सहभागिता थियो ।
प्रतिक्रिया