काठमाडौं । नेपाली राष्ट्रिय फुटवल टिमको प्रशिक्षक अब्दुल्लाह अलमुताइरीले पदबाट राजीनामाको घोषणा गरेका छन् ।
सामाजिक सञ्जालमार्फत प्रशिक्षक अब्दुल्लाह अलमुताइरीले राजीनामा दिने घोषणा गरेका हुन्। उनले अखिल नेपाल फुटबल संघ (एन्फाका) वरिष्ठ उपाध्यक्ष पंकज विक्रम नेम्वाङका कारण राजीनामा दिनुपरेको संकेत गरेका छन् ।
नेपाली फ्यानलाई आफुले राजीनामा दिँदै गरेको जनाउँदै उनले भनेका छन्, ‘मेरो राजीनामा वरिष्ठ उपाध्यक्षका कारण हो। पछिल्लो तीन साताका हरेक दिन उनले मेरो बारेमा नाटक गरेका छन् । अब उनी खुशी भए होलान ।’
अब्दुल्लाह अलमुताइरीलाई गत चैतमा मात्रै नेपाली राष्ट्रिय फुटबल टिमको मुख्य प्रशिक्षकको जिम्मेवारी दिइएको थियो।
अखिल नेपाल फुटबल संघ (एन्फा) को टेक्निकल कमिटीले कुवेतका अब्दुल्लाहलाई प्रशिक्षक नियुक्त गर्न सिफारिस गरेपछि उनलाई प्रशिक्षकको जिम्मेवारी दिइएको थियो।
प्रतिक्रिया