२४ घण्टामा कोरोना भाइरसका २२३७ संक्रमित थपिए, २०५० संक्रमणमुक्त; १८ जनाको मृत्यु

काठमाडौं । पछिल्लो २४ घण्टामा कोरोना भाइरसका २ हजार २३७ जना नयाँ संक्रमित थपिएका छन् ।

१३ हजार ८३४ जनामा गरिएको परीक्षणमा २ हजार २३७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यीमध्ये १५२९ जना संक्रमित पीसीआर परीक्षण गर्दा थपिएका हुन् भने एन्टिजेन परीक्षणबाट ६९८ जनामा संक्रमण पुष्टि भएको हो ।

यसै समयमा २ हजार ५० जना संक्रमित संक्रमणमुक्त भएका छन् । निको हुने दर कुल संक्रमितमा ९४ दशमलव ६ प्रतिशत रहेको छ ।

यस्तै पछिल्लो २४ घण्टामा १८ जनाको मृत्यु भएको छ । हालसम्म नेपालमा ९ हजार ७१३ जनाको कोरोना संक्रमणबाट मृत्यु भएको छ ।