काठमाडौं । प्रधानमन्त्री शेरबहादुर देउवाले निर्मला पन्तको बलात्कार पछि हत्याका दोषीलाई पत्ता लगाएर कारबाही गर्न निर्देशन दिएका छन् । उनको हत्या भएको तीन वर्ष पुगिसक्दा पनि हत्यारा अझै पत्ता लाग्न सकेको छैन ।
हत्या भएको तीन वर्ष पुगेको दिन आज प्रधानमन्त्री देउवाले गृहमन्त्री बालकृष्ण खाँड र प्रहरी महानिरीक्षक शैलेश थापा क्षेत्रीलाई बोलाएर यस्तो निर्देशन दिएका हुन् ।
देउवाले सामाजिक संजालमार्फत जानकारी दिँदै आफूले आज गृहमन्त्री र प्रहरी प्रमुखलाई बोलाएर अहिलेसम्म भएको अनुसन्धानबारे जानकारी लिएको जनाएका हुन् ।
तीन वर्ष अघि आजकै दिन बेपत्ता भएकी बालिका निर्मला पन्तको बलात्कार पछि हत्या भएको थियो । उनको शव उखुबारीमा भेटिएको थियो ।
प्रहरीको लापरबाहीका कारण उनको बलात्कार र हत्याको अनुसन्धान पनि प्रभावकारी नभएको भन्दै बिरोध भएको थियो । निर्मला पन्तको हत्यारा पत्ता लगाउनका लागि भएको अनुसन्धान अहिलेसम्म सबैभन्दा महंगो मानिएको छ ।
निर्मला पन्तको हत्या भएको तीन वर्ष पुगेको दिन आज मैले गृह मन्त्री र प्रहरी प्रमुखलाई बोलाएर अहिलेसम्म भएको अनुसन्धानबारे जानकारी लिएकाे छु। चाँडोभन्दा चाँडाे दाेषी पत्ता लगाएर कारबाही गर्न निर्देशन पनि दिएको छु । pic.twitter.com/utxVkTHE7v
— Sher Bahadur Deuba (@SherBDeuba) July 25, 2021
प्रतिक्रिया