बुटवल । लुम्बिनी प्रादेशिक अस्पताल बुटवलमा आजबाट ३९ बेडको सुबिधा सम्पन्न क्याविन सेवा थप गरिएको छ । अस्पताल विकास समितिले अस्पताकै श्रोतबाट निर्माण गरेको भवनमा बुधबारदेखि औपचारिक रुपमा सेवा दिन शुरु गरिएको छ ।
४५ कोठा रहेको भवनमा सेवाग्राहीका लागि ३९ वटा बेड छुट्याईएको र बाँकी ६ वटा क्षविनमा अस्पतालका स्वास्थ्यकर्मी तथा कर्मचारीहरुका लागि सेवा थप गरिएको अस्पतालका मेडिकल सुपरिटेन्डेन डा. राजेन्द्र खनालले जानकारी दिए । सुबिधा सम्पन्न क्यउाविन नभएका कारण निजी अस्पतालमा उपचार सेवा लिने गरेका विरामीहरु पनि अव प्रादेशिक अस्पतालबाट सेवा लिन सक्ने डा. खनालले बताए ।
३ करोड ९९ लाखमा निर्माण भएको भवनमा क्याविन सेवाको अस्पताल विकास समितिका अध्यक्ष सुर्यबहादुर भट्टराईले उदघाटन गरेका थिए । उनले उद्घाटन कार्यक्रममा बोल्दै अस्पतालमा विशिष्ट सुविधासहितको सेवामा नयाँ आयाम थपिएको उल्लेख गरे ।
थप गरिएको क्याविन सेवामा न्यूनतम १ हजार ५ सयदेखि ४ हजारसम्मका विभिन्न स्तरका सेवासहितको बेड उपलब्ध रहेको अस्पतालले जनाएको छ । क्यविन सेवामा एसी डिलक्स, एट्याच ट्वाइलेट बाथरुप लगायतका सेवाहरु रहेका छन् ।
यस अघि अस्पतालले १४ क्याविन सहित ३०० बेडबाट सेवा दिँदै आएको थियो । लुम्बिनी अस्पतालमा २० वटा आईसीयू कोरोना संक्रमितलाई छुट्याइृएको छ भने बाँकी संरचनामा नन कोभिड बिरामीहरुको उपचार चलिरहेको छ । नयाँ संरचनामा बेड र क्याविन थपिएसँगै अस्पतालको क्षमता ३७५ वेड पुगेको छ । अस्पतालमा दैनिक हजार बढी सेवाग्राहीले सेवा लिइरहेका छन् ।
प्रतिक्रिया