काठमाडौं । प्रधानमन्त्री शेरबहादुर देउवासँग नेपालका लागि पाकिस्तानका राजदूत सायद हैदर शाहले शिष्टाचार भेटवार्ता गरेका छन् ।
प्रधानमन्त्री कार्यालय सिंहदरबारमा शुक्रबार भएको भेटवार्तामा पाकिस्तानी राजदूत शाहले प्रधानमन्त्री देउवालाई बधाई दिएका छन् । त्यसअवसरमा देउवा र शाहबीच दुई पक्षीय हितका विषयमा छलफल भएको छ ।
सार्क राष्ट्रका दुई मुलुक नेपाल र पाकिस्तानबीच कुटनीतिक सम्बन्ध स्थापना भएदेखि नै मैत्रिपूर्ण सम्बन्ध रहँदै आएको छ । कोरोना महामारी नियन्त्रणमा नेपालको लडाईंलाई सघाउन पाकिस्तानले केही समय अघि नेपाललाई आर्थिक सहयोग गरेको थियो ।
यस्तै २०७२ सालको विनाशकारी भूकमप लगायत विभिन्न समयमा आइपरेका प्राकृतिक विपत्तिमा पनि पाकिस्तानबाट निरन्तर आर्थिक र भौतिक सहयोग मिल्दै आएको छ ।
प्रतिक्रिया