जसपा संसदीय दलको नेतामा उपेन्द्र यादव चयन

काठमाडौं । जनता समाजवादी पार्टी (जसपा) संसदीय दलको नेतामा सर्वसम्मतरुपमा उपेन्द्र यादव चयन भएका छन् । पार्टीको आधिकारिकता पाएसँगै संसदीय दलको बिधान अनुसार भएको निर्वाचनबाट यादव सर्वसम्मत दलको नेतामा चयन भएका हुन् ।

शनिबार बसेको संसदीय दलको बैठकले यादवलाई दलका नेतामा चयन गरेको हो । दलको कार्यकारिणी समितिको बैठकले अन्तरिम बिधानलाई पारित गर्दै निर्वाचन समिति बनाएर आजको लागि निर्वाचन तोकेको थियो । आज बसेको संसदीयदलको बैठकमाउपेन्द्र यादव बाहेक अन्य नेताको दाबी नपरेपछि यादव संसदीयदलको नेतामा चयन भएको जसपाका नेता माहेम्मद ईस्तयाक राइले बताए ।

उनका अनुसार प्रस्तावकमा संघीय परिषद् अध्यक्ष डा. बाबुराम भट्टराई र समर्थकमा महेन्द्र यादव थिए । ३२ जना सांसद रहेकाे जसपा संसदीयदलकाे बैठकमा २१ जना सांसद उपस्थित थिए । महन्थ ठाकुर पक्षमा लागेका ११ सांसदहरु भने अनुपस्थित रहेका थिए ।