काठमाडौं । कोभिड-१९ युनिफाइड अस्पतालको प्रमुखबाट प्राध्यापक डाक्टर जागेश्वर गौतम हटाइएका छन् ।
स्वास्थ्य तथा जनसंख्या मन्त्रालयले कोभिड–१९ युनिफाइड केन्द्रीय अस्पतालका प्रमुख प्रशासकीय अधिकृत प्राडा गौतमलाई सोमबार हटाएको हो । उनको स्थानमा ट्रमा सेन्टरका डाक्टर रुद्र मरासिनीलाई पठाइएको छ ।
गौतमलाई थापाथलीस्थित प्रसुती तथा स्त्री रोग अस्पतालमा सरुवा गरिएको छ । गौतम स्त्री रोग विषेशज्ञ हुन् ।
तत्कालिन सरकारले गत जेठ १० गते डा गौतमलाई युनिफाइड अस्पतालको प्रशासकीय अधिकृतमा पठाएको थियो । तर, उनी गएदेखि नै वीर अस्पतालका कर्मचारी र उनीबीच सम्बन्ध राम्रो बनेको थिएन । युनिफाइड अस्पतालमा खरिद गरिएका विभिन्न स्वास्थ्य सामाग्रीमा समेत अनियमितता भएको आरोप कर्मचारीहरुले लगाएका थिए । डा. गौतम युनिफाइड अस्पताल जानुअघि स्वास्थ्य मन्त्रालयको प्रवक्ता थिए ।
मन्त्रालयले स्वास्थ्य समन्वय शाखामा डा. विवेकलाल कर्णलाई सरुवा गरेको छ । उनको स्थानमा सार्क क्षयरोग केन्द्रकी डा. रीता जोशीलाई लगिएको छ ।
प्रतिक्रिया