काठमाडौं । सत्तारुढ गठबन्धनका शीर्ष नेताहरुबीच बैठक जारी छ ।
मन्त्रिपरिषद् विस्तार गर्न ढिलाई गरिरहेका दलका शीर्ष नेताहरुबीच प्रधानमन्त्री निवास बालुवाटारमा बैठक भैरहेको हो ।
बैठकमा प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड र जनता समाजवादी पार्टीका अध्यक्ष उपेन्द्र यादवबीच मन्त्रिपरिषद् विस्तारका विषयमा छलफल भैरहेको हो ।
यसअघि बसेको गठबन्धनको बैठकले मन्त्रालय बाँडफाँडको विषयमा शीर्ष नेतृत्वले टुंग्याउने निर्णय गरेको थियो ।
शीर्ष नेताहरुको बैठक बस्नुपूर्व आजै गठबन्धनको कार्यदलको बैठक बालुवाटारमै बसेको थियो । सो बैठकले सरकार संचालनको न्यूनतम साझा नीति तथा कार्यक्रमको ड्राफ्ट तयार पारेको छ ।
प्रतिक्रिया