काठमाडौं । धरानस्थित बीपी कोइराला स्वास्थ्य विज्ञान प्रतिष्ठानमा जारी संघर्ष स्थगित हुने भएको छ ।
स्वास्थ्य तथा जनसंख्या मन्त्रालयका प्रतिनिधि र बीपी कोइराला स्वास्थ्य विज्ञान प्रतिष्ठान, धरान शुद्धीकरण अभियान २०७८, संयुक्त संघर्ष समितिबीच ६ बुँदे सहमति भएपछि अब संघर्ष स्थगित हुने भएको हो ।
मन्त्रालयका प्रतिनिधि र संयुक्त संघर्ष समितिका प्रतिनिधिबीच बुधबार सहमति भएको हो । सहमति भएसँगै आजैबाट प्रतिष्ठानका सबै काम सुचारु हुनेछन् । स्वास्थ्यकर्मी तथा कर्मचारीहरू आन्दोलन रोकेर सेवामा फर्कन तयार भएका छन् ।
सहमतिअनुसार आजैबाट प्रतिष्ठानका उपकुलपति डाक्टर ज्ञानेन्द्र गिरीसहित चार जना पदाधिकारी हटाउने प्रक्रिया सुरु हुनेछ ।
यस्तै छानविन कार्यदलको प्रतिवेदनका सुझाव कार्यान्वयनमा लैजाने र अघिल्ला प्रतिवेदनहरु पनि सार्वजनिक गर्दै कार्यान्वयनमा लैजाने सहमति भएको छ ।
त्यस्तै छानबिन कार्यदलको प्रतिवेदनका सुझाव कार्यान्वयनमा लैजाने र अघिल्ला प्रतिवेदनहरू पनि सार्वजनिक गरी कार्यान्वयनमा लैजाने सहमति भएको छ । यसका लागि बुधबार नै स्वास्थ्य तथा जनसंख्या मन्त्रालयमा छुट्टै महाशाखा तोक्ने उल्लेख छ ।
प्रतिष्ठानमा झण्डै दुई महिनादेखि संघर्ष चल्दै आएको थियो । प्रतिष्ठानभित्रको अनियमितता छानबिन गर्नुपर्ने, दक्ष, योग्य र सक्षम पदाधिकारी नियुक्ति गर्नुपर्ने माग राख्दै प्रतिष्ठानका चिकित्सक, प्राध्यापक, कर्मचारी र विद्यार्थीले संयुक्त संघर्ष गर्दैआएका थिए ।
प्रतिक्रिया