काठमाडौं । १ किलो ८ सय ६६ ग्राम सुनसहित काठमाडौंमा तीन जना पक्राउ परेका छन् ।
महानगरीय अपराध महाशाखाद्वारा खटिएको प्रहरी टोलीले उनीहरुलाई सिनामंगलमा रहेको मिर्चैया मल्हनिया गेष्ट हाउसबाट पक्राउ गरेको हो ।
पक्राउ पर्नेमा भारत राजस्थान नागौर जिल्ला छोटीखाटु थाना, सेरानी आवादका २७ वर्षीय साकिर अली, सोही स्थानका २८ वर्षीय अब्दुल सतार र सोही स्थानका २४ वर्षीय मोहम्मद उमेर रहेका छन् ।
महाशाखाका अनुसार वैदेशिक रोजगारीबाट आउने व्यक्तिलाई प्रयोग गरेर विभिन्न घरायसी सामानमा लुकाएर सुन ल्याइएको प्रारम्भिक अनुसनधानमा खुलेको छ । पक्राउ परेका उनीहरुमाथि थप अनुसन्धान जारी रहेको प्रहरीले जनाएको छ ।
प्रतिक्रिया