बर्दिया । बर्दियाको गुलरिया नगरपालिका वडा नं ६ बाट लागु औषध ब्राउन सुगर सहित दुई जना पक्राउ परेका छन् । पक्राउ पर्नेमा गुलरिया नगरपालिका वडा नं ४ बस्ने २१ बर्षिय सन्तोष भट्टराई र गुलरिया नगरपालिका वडा नं ७ बस्ने २२ बर्षिय अर्जुन सुनार रहेका छन् । उनीहरुको साथबाट ९ सय ३० मिलिग्राम ब्राउन सुगर फेला परेको छ ।
गुलरिया नगरपालिका वडा नं ६ मा रहेको निलो पेट्रोल पम्प नजिकै गुलरिया नेपालगञ्ज सडकमा संकास्पद रुपमा हिँडिरहेको समयमा प्रहरीले पक्राउ गरेको थियो । लागु औषध नियन्त्रण ब्युरो शाखा कार्यालय नेपालगञ्ज र जिल्ला प्रहरी कार्यालयको संयुक्त प्रहरी टोलीले उनीहरुलाई पक्राउ गरेको प्रहरीले जनाएको छ ।
उनीहरुलाई आवश्यक अनुसन्धानका लागि जिल्ला प्रहरी कार्यालयमा राखिएको प्रहरी नायव उपरीक्षक हेमबहादुर शाहीले बताए ।
प्रतिक्रिया