बालाजु आगलागी अपडेट : हेलिकप्टरको प्रयोग गरी आगो निभाउने प्रयास, अझै नियन्त्रणमा आएन

काठमाडौं । काठमाडौं महानगरपालिका-१६ बालाजु स्थित औद्योगिक क्षेत्र भित्र रहेको नेबिको बिस्कुटको कारखानामा भएको भीषण आगलागी नियन्त्रणमा लिन हेलिकप्टरको प्रयोग गरिएको छ ।

महानगरीय प्रहरी परिसर काठमाडौंका प्रवक्ता, प्रहरी उपरीक्षक रमेशकुमार बस्नेतका अनुसार शनिबार बिहान २ बजेदेखि भएको आगलागी अहिलेसम्म नियन्त्रणमा आइसकेको छैन ।

पानी ट्याङ्कर, दमकल, आर्मी, सशस्त्र प्रहरी, प्रहरी र स्थानियको टोलीसहितले आगो निभाउने प्रयास गरे पनि नियन्त्रणमा आउन नसकेपछि हेलिकप्टरको प्रयोग गरिएको छ ।

क्षेत्रफल ठूलो भएकाले चारैतिरबाट आगो निभाउने प्रयास भइरहेको प्रहरीको भनाइ छ । आगलागी के कारणले भयो भन्नेबारेमा अनुसन्धान भइरहेको छ ।