काठमाडौं । जापान सरकारले नेपाललाई उपलब्ध गराएको एस्ट्राजेनेका खोपको पहिलो खेप काठमाडौं आइपुगेको छ ।
कोभ्याक्स परियोजनामार्फत जापान सरकारले नेपाललाई उपलब्ध गराएको एस्ट्राजेनेकाको खोप लिएर आएको कतार एयरवेजको विमान शनिबार बिहान त्रिभुवन अन्तर्राष्ट्रिय विमानस्थलमा अवतरण गरेको छ ।
पहिलो खेपमा आज ३ लाखभन्दा बढी डोज खोप आएको छ । जापान सरकारले नेपाललाई १६ लाख डोज खोप दिने प्रतिबद्धता जनाएको थियो । जसमध्ये पहिलो चरणमा ८ लाख डोज खोप भोलिसम्म आइपुग्ने भएको हो । थाप ५ लाख डोज आइतबार आइपुग्ने बताइएको छ । बाँकी खोप सेप्टेम्बरसम्म आउनसक्ने बताइएको छ ।
भारतसँग खरिद गरिएको कोभिसिल्ड खोपको पहिलो डोज खोप लगाएका १३ लाख भन्दा बढी जेष्ठ नागरिकलाई एस्ट्राजेनेका खोप लगाउन मिल्ने भएको छ । गत फागुन २३ देखि चैत्र १० गतेसम्म कोभिसिल्ड खोप अभियान संचालन भएको थियो ।
नेपालले खरिद गरेको १० लाख खोप समेत भारतले नदिएपछि नेपालको खोप अभियान नै प्रभावित भएको थियो । अक्सफोर्ड एस्ट्राजेनेकैको खोपलाई भारतको सेरम इस्टिच्यूटले उत्पादन गरेको थियो । अब खोप लगाउन नपाएका जेष्ठ नागरिकले दोस्रो डोज खोप लगाउन पाउनेभएका छन् । स्वास्थ्य मन्त्रालयले २५ गतेदेखि नै यो खोप लगाउने जनाएको छ । हिजो मात्र भुटान सरकाले पनि ३ लाख डोज बढी एस्ट्राजेनेका खोप उपलब्ध गराएको छ ।
प्रतिक्रिया