काठमाडौं । एफए कम्युनिटी सिल्डको उपाधि लेस्टर सिटीले जितेको छ । शनिबार भएको फाइनल खेलमा म्यानचेस्टर सिटीमाथि १-० को जित निकाल्दै लेस्टरले उपाधि हात पारेको हो ।
लेस्टरको जितमा केलेची इहेनाचोले गरेको गोल निर्णायक बन्यो । उनले खेलको ८७ औं मिनेटमा पेनाल्टीमा गोल गरेका थिए ।
डिफेन्डर नाथन आकेले पेनाल्टी क्षेत्रभित्र इहेनाचोलाई लडाएपछि रेफ्रीले पेनाल्टी दिएका थिए । त्यसमा इहेनाचोले नै गोल गनै सफल भए । योसँगै लेष्टरले दोस्रो पटक कम्युनिटी शिल्डको उपाधि जितेको छ ।
लेष्टर एफए कप विजेता र सिटी प्रिमियर लिग विजेताको रुपमा फाइनलमा प्रतिस्पर्धा गरेका हुन् । सिजनको सुरुवातमा कम्युनिटी सिल्डको लागि प्रतिस्पर्धा हुने परम्परा रहेको छ ।
प्रतिक्रिया