१३ बैशाख २०८१, बिहिबार | April 25, 2024

लुम्बिनी प्रदेश : विशेष अधिवेशन बहिस्कार गर्ने मुडमा एमाले; विपक्षी भन्छन् – प्रक्रिया रोकिँदैन



बुटवल । लुम्बिनी प्रदेशसभाको विशेष अधिवेशन सत्तारुढ एमालेले बहिस्कार गर्ने संकेत गरेको छ । आज बिहान बसेको एमाले संसदीय दलको बैठकले प्रदेशसभामा उपस्थित हुने, बहिस्कार गर्ने या के गर्ने भन्ने विषयमा निर्णय गर्ने अधिकार संसदीय दलको नेतालाई दिएको छ ।

एमाले संसदीय दलका मुख्य सचेतक भूमिश्वर ढकालले बैठक नै असंवैधानिक ढंगले बोलाइएका कारण राजनीतिक निर्णय गर्ने बताएका छन् । ससदीय दलको बैठकपछि संचारकर्मीसँग कुरा गर्दै मुख्य सचेतक ढकालले संविधानको संरक्षक रहेका प्रदेशप्रमुखबाट असंवैधानिक ढंगले अविश्वासको प्रस्ताव प्रक्रिया अघि बढाइएको बताउँदै त्यस विरुद्ध राजनीतिक निर्णय लिइने बताए । ढकालले प्रष्टसँग विशेष अधिवेशन बहिस्कार गर्ने नबताए पनि उनले सोही प्रकारको आशय भने व्यक्त गरेका छन् ।

सत्तारुढ दलले नै अविश्वासको प्रस्तावको सामना नगरी विशेष अधिवेशन बैठक बहिस्कार गरे प्रक्रिया अघि बढ्छ या बढ्दैन भन्ने अन्यौल पनि सुरु भएको छ ।

तर, प्रदेशसभा सचिवालयले भने विपक्षी दलहरुले राखेको अविश्वासको प्रस्तावमा प्रस्तावकहरु उपस्थित भएपछि बैठक अघि बढ्ने स्पष्ट पारेको छ । सचिवालयले दिउँसो १ बजे निर्धारित समयमा अधिवेशन संचालन हुने जनाएको छ ।

यस्तै, विपक्षी दल नेपाली कांग्रेसका सचेतक फकरुद्दीन खानले पनि अविश्वासको प्रस्ताव प्रक्रिया नरोकिने बताएका छन् । ‘एमालेले बहिस्कार गर्दैमा यो प्रक्रिया रोकिँदै । अब अघि बढ्छ’, खानले खबरकुरासँग बताए ।

प्रकाशित मिति : २७ श्रावण २०७८, बुधबार  १० : ४५ बजे

एएचजेड यूके युनिभर्सिटी रिप्रेजेन्टेटिभको नयाँ शाखा बुटवलमा सञ्चालन

बुटवल । अध्ययनका लागि बेलायत जाने विद्यार्थीहरुलाई लक्षित गरि बुटवलमा

भीम रावलले गरे एमाले छोड्ने संकेत !

काठमाडौं । नेकपा एमालेका नेता एवं पूर्व उपप्रधानमन्त्री डा. भीम

कर्णालीका मुख्यमन्त्री कँडेलले पाए विश्वासको मत

सुर्खेत । कर्णाली प्रदेशका मुख्यमन्त्री यामलाल कँडेलले विश्वासको मत पाएका

वर्ल्ड लिंकको इन्टरनेट ९ लाख घरधुरीमा पुग्यो

बुटवल । देशको सबैभन्दा ठूलो इन्टरनेट सेवाप्रदायक कम्पनी वर्ल्ड लिंक

बुटवल ११ बुद्धनगर खानेपानी उपभोक्ता समिति र टोल विकास संस्था बीच जग्गा विवाद !

बुटवल । बुटवल उपमहानगरपालिका-११ बुद्धनगरमा जग्गा भोग चलनको विषयलाई लिएर