१३ बैशाख २०८१, बिहिबार | April 25, 2024

लुम्बिनी प्रदेश : नयाँ सरकारको लागि दाबी प्रस्तुत गरिँदै, आजै माओवादी केन्द्रका नेता केसी मुख्यमन्त्रीमा नियुक्त हुने



बुटवल । लुम्बिनी प्रदेशमा माओवादी केन्द्र सहितको ४ दलिय गठबन्धनले आज प्रदेश सरकार गठनका लागि प्रदेश प्रमुख अमक शेरचन समक्ष दाबी पेश गर्दैछन् ।

गठबन्धनको पूर्व निर्णय अनुसार माओवादी संसदीयदलका नेता कुलप्रसाद केसी सोनामको नेतृत्वमा प्रदेश सरकार गठन गर्ने गरि दाबी पेश गर्नेछन् । प्रदेश प्रमुख शेरचनले आज ३ बजे सम्ममा सरकार गठनका लागि दाबी प्रस्तुत गर्न आह्वान गरेपनि १० बजे लगत्तै गठबन्धनका नेताहरु दाबी पत्र लिएर प्रदेश प्रमुखको कार्यालय पुग्ने तयारी भएको गठबन्धनका एक नेताले बताए ।

लुम्बिनी प्रदेश सरकारका लागि नेपाली कांग्रेस, माओवादी केन्द्र जनता समाजवादी पार्टी र राष्ट्रिय जनमोर्चाको गठबन्धनको नयाँ सरकारका लागि दाबी पेश गर्न जाने तयारी भएको कांग्रेस प्रमुख सचेतक फखरुद्दिन खानले जानकारी दिए ।

प्रमुख सचेतक खानका अनुसार संविधानको धारा १६८ को उपधारा २ अनुसार ४ दलको सिफारिसमा माओवादी केन्द्रका नेता केसीलाई मुख्यमन्त्रीमा समर्थनसहित सरकार गठनका लागि दाबी पेश गरिने छ । अघिल्लो पटक राजीनामा दिए लगत्तै आफैले मुख्यमन्त्रीका लागि दाबी प्रस्तुत गरेको एमाले संसदीयदलका नेता शंकर पोखरेलले भने यसपटक दाबी प्रस्तुत नगर्ने भएका छन् । बुधबार नै पत्रकारहरुसँग कुरा गर्दै एमाले सांसद तथा एमाले नेतृत्वको सरकारका प्रवक्ता बैजनाथ चौधरीले आफुहरु प्रतिपक्षमा रहने बताएका थिए ।

प्रदेश प्रमुखले आजै मुख्यमन्त्री नियुक्त गर्ने र आजै सपथ समेत गराउने तयारी छ। गठबन्धनले आजै माओवादी, काँग्रेस र जसपाका एक एक जना सदस्य रहनेगरि सानो आकारको मन्त्रिमण्डल गठन गर्ने बताईएको छ । राष्ट्रिय जनमोर्चाको सरकारमा सहभागीताबारे आधिकारीक धारणा सार्वजनिक भएको छैन ।

लुम्बिनी प्रदेशसभाका हाल ८० सांसद बहाल रहेकोमा बहुमतका लागि ४१ सिट आवश्यक पर्दछ । ४ दलीय गठबन्धनसँग कांग्रेसका १९, माओवादीका १८, जसपाका ३ र जनमोर्चाका १ गरी ४१ सांसद छन् ।

४ दलीय गठबन्धनले नयाँ सरकार गठनसँगै नयाँ नीति, नयाँ कार्यक्रम र नयाँ योजना लिएर अघि बढ्ने माओवादी संसदीय दलका नेता कुलप्रसाद केसीले बताएका छन् ।

प्रदेश प्रमुखले आह्वान गरे अनुसार प्रदेशसभाको विशेष अधिवेशन शुरु भएको १५ मनिेट पछि मुख्यमन्त्री पोखरेलले प्रदेश प्रमुखलाई राजीनामा बुझाएका थिए । उनको राजीनामा नआएको अवस्थामा प्रदेशसभाबाट मतदान गरेर मुख्यमन्त्रीबाट पोखरेललाई हटाउने तयारी गठबन्धनको रहेको थियो । तर अधिवेशन शुरु भएपछि पोखरेलले राजीनामा दिएपछि प्रदेश प्रमुखको पत्र सुनाउँदै सभामुख पुर्ण घर्तीले विशेष अधिवेशन अन्त्य भएको घोषणा गरेका थिए ।

यसअघि लुम्बिनीका मुख्यमन्त्री पोखरेलविरुद्ध विपक्षी गठबन्धनले प्रदेश प्रमुखसमक्ष विशेष अधिवेशन माग गर्दै संसद सचिवालयमा अविश्वासको प्रस्ताव दर्ता गरेका थिए । सो प्रस्तावमा छलफल गर्नका लागि प्रदेश प्रमुख शेरचनले साउन २७ गते दिनको १ बजेका लागि विशेष अधिवेशनको आह्वान गरेका थिए ।

प्रकाशित मिति : २८ श्रावण २०७८, बिहिबार  ९ : ०० बजे

त्रिवि भूगोल केन्द्रीय विभागमा माटो परीक्षण तालिम

काठमाडौं । त्रिभुवन विश्वविद्यालय भूगोल केन्द्रीय विभागले माटोको नियमित परीक्षण

१६ औँ योजनाले एकीकृत पूर्वाधार र सूचना प्रविधिको विस्तारलाई जोड दिएको छ : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले १६ औँ योजनामा एकीकृत

वेस्ट इन्डिज ए विरुद्ध खेल्ने नेपाली टिमको घोषणा

काठमाडौं । नेपालले वेस्ट इन्डिज ए विरुद्ध खेल्ने टिमको घोषणा

आज सुन तोलाको १ लाख ३५ हजार ८०० रुपैयाँ

काठमाडौं । नेपाली बजारमा सुनचाँदीको मुल्य घटेको छ । नेपाल

बसको ठक्करबाट भरतपुरमा तीर्थयात्रीको मृत्यु

भरतपुर । पूर्वी चितवनको राप्ती नगरपालिकामा बसको ठक्करबाट एक जना