बुटवल । लुम्बिनी प्रदेश प्रमुख अमिक शेरचनले प्रदेशसभाको नवौं अधिवेशन भाद्र १ गतेका लागि आह्वान गरेका छन् । मुख्यमन्त्री कुल प्रसाद केसीको अध्यक्षतामा बसेको मन्त्रिपरिषदको बैठकको सिफारिसका आधारमा प्रदेश प्रमुखले संसद अधिवेशन आह्वान गरेका हुन् ।
प्रदेशसभाको सचिवालयले आज सूचना टाँस गरि प्रदेशसभाका सदस्यहरुलाई नवौं अधिवेशनको जानकारी दिएको छ । प्रदेश सचिवालयका सचिव दुर्लभकुमार पुनले हस्ताक्षर गरेको सूचनामा नेपालको संविधानको १८३(१) बमोजिम प्रदेश प्रमुख अमिक शेरचनबाट भाद्र १ गते मध्यान्ह १ बजेका लागि प्रदेशसभाको नवौं अधिवेशन आह्वान भएको उल्लेख गरिएको छ । सूचनामा प्रदेशसभा नियमावली २०७४ को नियम ३(१) बमोजिम सदस्यहरुलाई सूचित गरिएको जनाईएको छ ।
सरकारले बैठकको शुरुमै संसदको विश्वासको मत लिने र त्यपछिमात्र मन्त्रिमण्डल विस्तार गर्ने तयारी गरेको प्रदेशको ४ दलिय गठबन्धनले जनाएको छ ।
प्रतिक्रिया