श्रोत नखुलेको १० लाख सहित २ जना रुपन्देही प्रहरीको नियन्त्रणमा

बुटवल । इलाका प्रहरी कार्यालय लुम्बिनीले श्रोत नखुलेको १० लाख रकम सहित २ जनालाई नियन्त्रणमा लिएको छ । प्रहरीले लुम्बिनी साँस्कृतिक नगरपालिका ४ बाट सो रकम सहित २ जनालाई नियन्त्रणमा लिएको हो ।

प्रहरीका अनुसार प्रहरीले नियन्त्रणमा लिएकाहरुमा सोही नगरपालिका १३ का २० वर्षिय विष्णु यादव र १९ वर्षिय अनवर मुसलमान रहेका छन् । बाटोमा हिँडिरहेका उनीहरुमाथि शंकाका आधारमा चेकजाँच गर्दा प्लास्टिकको झोलामा श्रोत नखुलेको १० लाख नगद भेटिएपछि उनीहरुलाई नियन्त्रणमा लिईएको प्रहरीले जनाएको छ ।

रकम सहित नियन्त्रणमा लिईएका दुबैजनामलाई थप अनुसन्धानका लागि राजश्व अनुसन्धान कार्यालय बुटवल पठाईएको जिल्ला प्रहरी कार्यालय रुपन्देहीका प्रवक्ता प्रहरी नायव उपरिक्षक सत्यनारायण थापाले बताए ।