काठमाडौं । सरकारले राजनीतिक दल विभाजनसम्बन्धी अध्यादेश ल्याएको छ ।
राजनीतिक दल विभाजन गर्न सजिलो हुनेगरी सरकारले अध्यादेश ल्याएको हो । यसअघिको कानूनी प्रावधानलाई संशोधन गर्दै पार्टीको संसदीय दल वा केन्द्रीय कमिटीका २० प्रतिशत सदस्यले दल विभाजन गर्न सक्ने गरी अध्यादेश जारी भएको छ । यो अध्यादेशका कारण नेकपा एमालेको माधवकुमार नेपाल पक्ष र जनता समाजवादी पार्टीको महन्थ ठाकुर पक्षललाई दल विभाजन गर्न सजिलो बनेको छ ।
राजनीतिक दलसम्बन्धी ऐन २०७३ अनुसार कुनै पनि राजनीतिक दल विभाजन हुन केन्द्रीय कमिटी र संसदीय दलमा ४० प्रतिशत सदस्य हुनै पर्थ्यो ।
आज बसेको मन्त्रिपरिषद्को आकस्मिक बैठकले अध्यादेश जारी गरेको हो । एमालेको माधव नेपाल समुहलाई सजिलो बनाउनकै लागि यो अध्यादेश जारी भएको हो । अध्यादेशको एमालेले कडा विरोध गरेको छ ।
प्रतिक्रिया