बागमती नदीमा शव भेटियो

खबर कुरा
१८ भाद्र २०७८, शुक्रबार
                 

काठमाडौं । बागमती नदीमा एक युवकको शव भेटिएको छ ।

काठमाडौंको मिनभवन र कोटेश्वरको नजिक बागमती नदीको बीचमा आज बिहान शव भेटिएको हो ।

महानगरीय प्रहरी वृत्त नयाँ बानेश्वरका प्रहरी नायव उपरीक्षक मिन लामाले शव काभ्रे सारदाबतासे-४ का ३८ वर्षीय विक्रम तामाङको भएको जानकारी दिए ।

बाहिरी शरीरमा चोटपटक केही नदेखिएको र छाती फुलेको अवस्थामा नदीको बीच भागमा शव भेटिएको लामाले बताए ।

उनको साथमा भेटिएको सवारी चालक अनुमति पत्रका आधारमा पहिचान भएको लामाले जानकारी दिए । घटनाबारे अनुसन्धान भइरहेको लामाले बताए । शव प्रहरीले नै देखेको थियो ।

यसमा तपाइको मत

Your email address will not be published. Required fields are marked *


*