सभामुख र निर्वाचन आयोग विरुद्ध एमालेको रिट न्यायाधीस मीरा खड्काको इजलासमा

खबर कुरा
१८ भाद्र २०७८, शुक्रबार
                 

काठमाडौं । नेकपा एमालेका अध्यक्ष केपी शर्मा ओली सभामुख अग्निप्रसाद सापकोटा र निर्वाचन विरुद्ध दायर गरेको रिटमा सर्वोच्च अदालतमा आज प्रारम्भिक सुनुवाइ हुँदैछ ।

न्यायाधीस मीरा खड्काको एकल इजालसमा सुनुवाइ हुनेगरी पेशी तोकिएको छ । बुधबार दर्ता भएको रिटमाथि आज प्रारम्भिक सुनुवाइ हुन लागेको हो ।

एमाले अध्यक्ष ओलीले वारेसमार्फत सभामुख र आयोग विरुद्ध रिट दायर गरेका थिए । गैरकानूनी रूपमा एमालेलाई विभाजन गरेर बनेको नेकपा (एकीकृत समाजवादी)लाई राजनीनिक दलको मान्यता दिएको र एमालेले कारवाही गरेका १४ सांसदलाई पदमुक्त गर्न सूचना टाँस नगरेको भन्दै आयोग र सभामुखलाई विपक्षी बनाएर रिट दायर भएको थियो ।

निर्वाचन आयोगले बदनीयतपूर्ण र अनाधिकृत व्यक्तिहरुलाई हस्ताक्षर गरेर एमाले फुटाउन गरेको हस्ताक्षरलाई मान्यता दिएको भन्दै ओलीले अन्तरिम आदेश माग गरेका छन् । नेकपा एकीकृतलाई राजनीतिक दलको मान्यता दिँदा आफ्ना पार्टी नेकपा एमालेलाई अपुरणणीय क्षति हुने ओलीले उल्लेख गरेका छन् ।

यसमा तपाइको मत

Your email address will not be published. Required fields are marked *


*