काठमाडौं । नेकपा एमालेका उपाध्यक्ष वामदेव गौतमले पार्टी परित्याग गरेका छन् ।
उपाध्यक्ष गौतमले एमालेको सबै पदबाट राजीनामा दिएको पत्र पार्टी केन्द्रीय कार्यालयका सचिव शेरबहादुर तामाङलाई बुझाएका छन् ।
गौतमले अध्यक्ष केपी शर्मा ओलीलाई सम्बोधन गरेर लेखेको राजीनामा पत्र आज साँझ पार्टी कार्यालयमा बुझाएका हुन् ।
गौतम नेकपा एमालेको नवौं राष्ट्रिय महाधिवेशनबाट उपाध्यक्षमा निर्वाचित भएका थिए । नेकपा विभाजन भएपछि संस्थापन र माधव नेपाल समुहमध्ये कतै नलागी पार्टी एकताको अभियान चलाएका थिए । तर बीचबीचमा पार्टीको संस्थापन पक्षले आयोजना गरेको स्थायी कमिटी बैठकमा भने उनी उपस्थित भएर आफ्ना कुरा राख्दै फर्किने गरेका थिए ।
गौतम तत्कालिन नेकपाको तर्फबाट राष्ट्रियसभामा निर्वाचित भएका थिए । उनकी पत्नी तुलसा गौतम प्रतिनिधिसभाका सांसद हुन् ।
प्रतिक्रिया