सङ्खुवासभामा एउटै परिवारका ६ जनाको हत्या
खबर कुरा
संखुवासभा । सङ्खुवासभामा एउटै परिवारका ६ जनाको हत्या भएको छ । अज्ञात समूहले मादी नगरपालिका–१ खोला गाउँका तेजबहादुर कार्कीको परिवारका सदस्यहरुको हत्या गरेको हो ।
प्रहरी नायब उपरीक्षक लालध्वज सुवेदीका अनुसार ५८ वर्षीय कार्की, ८४ वर्षीया आमा पार्वता, ५६ वर्षीया श्रीमती मनमाया, २८ वर्षीया बुहारी रञ्जना, १० वर्षीय नाति दीपक र पाँच वर्षीया नातिनी गोमाको धारिलो हतियार प्रयोग गरी हत्या गरिएको छ । आज बिहान छिमेकीले सबैलाई मृत अवस्थामा देखेपछि प्रहरीलाई खबर गरेको स्थानीय शिक्षक योगेन्द्र ओझाले जानकारी दिए।
प्रहरीका अनुसार ६ जनालाई धारिलो हतियारले हानेर हत्या गरिएको छ। परिवारका सदस्यको शव घर भित्र र बाहिर यत्रतत्र छरिएको अवस्थामा फेला परेको छ । आँखा नदेख्ने र कान नसुन्ने परिवारका एक जना वृद्ध सदस्य भने जोगिएको प्रहरीले बताएको छ । उ
सदरमुकामबाट प्रहरी नायब उपरीक्षक सुवेदीसहितको टोली घटनास्थलतर्फ गएको छ । यस्तै इलाका प्रहरी कार्यालय चैनपुरबाट समेत प्रहरी टोली खोला गाउँ गएको जिल्ला प्रहरी कार्यालयले जनाएको छ ।
अनुसन्धानका लागि तालिमप्राप्त कुकुरसहितको प्रहरी टोली परिचालन गरिएको छ । घटना थाहाभएलगत्तै धरानबाट एसपी एसपी भीम दाहालको नेतृत्वमा तालिमप्राप्त कुकुरसहितको टोली खटिएको हो । घटनामा घटनाको वास्तविकता र संलग्नहरुको चाडै सत्यतथ्य बाहिर ल्याउने प्रहरीले जनाएको छ ।
सम्बन्धित खबरहरु
