काठमाडौं । नेकपा (एस) को दर्ता अवैधानिक भएको भन्दै नेकपा एमालेका अध्यक्ष केपी शर्मा ओलीले सर्वोच्च अदालतमा दर्ता गरेको रिट आज पनि सुनुवाई का सूचीमा चढेको छ ।
निर्वाचन आयोग, प्रतिनिधिसभाका सभामुख तथा लुम्बिनी प्रदेशसभाका सभामुख विरुद्ध दायर गरिएको रिटको सुनुवाई प्रधानन्यायाधीश चोलेन्द्र शमशेर जबराको इजलासमा तोकिएको छ । आईतबार सुनुवाईमा परेको सो रिट हेर्न नभ्याईनेमा परेको थियो ।
एमाले विभाजन गरेर बनेको नेकपा एकीकृत समाजवादीलाई दलको मान्यता दिएको भन्दै ओलीले गत बुधवार सर्वोच्चमा रिट दायर गरेका थिए । दलले बिधिसम्मतरुपमा कारवाही गरेको सांसदहरुको पदमुक्तको सूचना प्रकाशित नगरेको अभियोगमा प्रतिनिधिसभाका सभामुख अग्नी प्रसाद सापकोटा र लुम्बिनी प्रदेशसभाका सभामुख पुर्ण घर्ती तथा पार्टीले निस्काशन गरेका नेताहरुको हस्ताक्षरलाई सनाखत गर्दै दल दर्ता गरेको अभियोगमा निर्वाचन आयोग विरुद्ध ओलीले रिट निवेदन दर्ता गराएका थिए ।
एमालेले कारवाही गरेका १४ सांसद र ९ केन्द्रीय सदस्यको सनाखत गैरकानूनी भएको भन्दै नेकपा एकीकृत समाजवादी खारेजीको माग रिटमा गरिएको छ।
प्रतिक्रिया