एमसीसी उपाध्यक्ष फतेमा सुमार आइपुगिन काठमाडौं

खबर कुरा
२४ भाद्र २०७८, बिहीबार
                 

काठमाडौं । अमेरिकी सहयोग नियोग ‘मिलेनियम च्यालेन्ज कर्पोरेसन’ (एमसीसी) उपाध्यक्ष फतेमा जे सुमार काठमाडौं आइपुगेकी छिन् ।

एमसीसी उपाध्यक्ष सुमार र नायव उपाध्यक्ष जोनाथ बु्रुक्स कतार एयरलाइन्सको विमानमार्फत काठमाडौं आइपुगेका हुन् । डिपार्टमेन्ट अफ कम्प्याक्ट अपरेसन्सकी उपाध्यक्ष सुमार नेपालमा चार दिन बस्नेछिन् ।

सुमारले काठमाडौंमा प्रधानमन्त्री शेरबहादुर देउवा, अर्थमन्त्री जनार्दन शर्मा, उर्जामन्त्री पम्फा भुसाललगायत राजनीतिक दलका नेताहरुसँग भेट गर्नेछिन् । सुमारले एमसीसीबारे नेताहरुसँग छलफल गर्नेछिन् । नेपालका राजनीतिक दलहरुमा एमसीसीबारे एकमत नभएको र जनस्तरमा व्यापक विरोधका बीच सुमारको नेपाल भ्रमण अर्थपूर्ण मानिएको छ ।

एमसीसी हेडक्वाटरले हिजो मात्र नेपाल सरकारले पठाएका ११ वटा प्रश्नको विस्तृत जवाफ पठाएको थियो । जवाफमा एमसीसी नेपालको संविधानभन्दा माथि नरहेको, एमसीसी इन्डोप्यासिफिक स्ट्राटेजीको अंग नरहेको र एमसीसी सम्झौता परिमार्जन हुन नसक्ने लगायतका विषय समेटिएको छ ।

हिजोबाटै सुरु भएको संसद अधिवेशनबाट एसीसी सम्झौता अनुमोदन गर्ने योजनामा प्रधानमन्त्री शेरबहादुर देउवा रहेका छन् ।

सुमार विमानस्थलमा आइपुग्दा विमानस्थल र आसपासको क्षेत्रको सुरक्षाव्यवस्था कडा तुल्याइएको थियो ।

 

यसमा तपाइको मत

Your email address will not be published. Required fields are marked *


*