काठमाडौं । अमेरिकी सहयोग नियोग मिलेनियम च्यालेन्ज कर्पोरेसन (एमसीसी) का उपाध्यक्ष काठमाडौं आइपुग्दा उनको विरोध प्रदर्शन भएको छ ।
एमसीसी उपाध्यक्ष फतिमा सुमार नेतृत्वको टोली बिहीबार बिहान त्रिभुवन अन्तर्राष्ट्रिय काठमाडौं ओर्लिएकै समयमा विमानस्थल गेटमा विरोध प्रदर्शन भएको हो ।
विमानस्थल र आसपासको क्षेत्रमा उच्च सुरक्षा व्यवस्था मिलाइएको भएपनि एमसीसीको विरोधमा रहेका केही व्यक्तिहरुले प्रर्दशन गरेका हुन् । सुरक्षाकर्मीको आँखा छल्दै कतिपय प्रदर्शनकारीले कारभित्रैबाट समेत विरोध प्रदर्शन गरेका छन् । प्रदर्शनकारीले ‘नो एमसीसी’ लेखिएका टिसर्ट लगाएका थिए ।
प्रदर्शन लगत्तै प्रहरीले उनीहरुलाई पक्राउ गरेको थियो ।
प्रतिक्रिया