कांग्रेस प्रवक्ता शर्माद्वारा महामन्त्रीमा उम्मेदवारी दिने घोषणा

खबर कुरा
२४ भाद्र २०७८, बिहीबार
                 

काठमाडौं । नेपाली कांग्रेसका प्रवक्ता विश्वप्रकाश शर्माले आगामी १४औं महाधिवेशनमा महामन्त्री पदमा उम्मेदवारी दिने घोषणा गरेका छन् ।

बिहीबार १०८औँ बीपी स्मृति दिवसका अवसरमा सुन्दरीजलमा आयोजित कार्यक्रममा प्रवक्ता शर्माले महामन्त्रीमा उम्मेदवारी दिने घोषणा गरेका हुन् ।

बिपीले रोपेको कपुरको बोटनजिकै उभिएर शर्माले उम्मेदवारीको घोषणा गर्दै पार्टीलाई आगामी तीनवटा निर्वाचनमा विजयी बनाउने दाबी गरे । १३औं महाधिवेशनबाट केन्द्रीय सदस्यमा निर्वाचित शर्माले देशलाई नयाँ बाटो दिने सपना आफुसँग रहेको बताए ।

शर्मा नेवि संघका पूर्वअध्यक्ष समेत हुन् । कांग्रेस सभापति शेरबहादुर देउवाले शर्मालाई २०७४ सालमा पार्टी प्रवक्ताको जिम्मेवारी दिएका थिए ।

शर्माले सुन्दरीजलमा बिपीले रोपको कपुरको बोट नजिकै रुद्राक्षको बोट रोपेका छन् ।

यसमा तपाइको मत

Your email address will not be published. Required fields are marked *


*