पूर्वराजदूत रुक्मशम्शेर राणाको निधन

काठमाडौं । पूर्वराजदूत एवं ब्यवसायी रुक्मशम्शेर राणाको ८६ वर्षको उमेरमा निधन भएको छ । उनको शनिबार बिहान काठमाडौंको बत्तिसपुतलिस्थित निवासमा निधन भएको हो । उनी भारतका लागि राजदूत भएका थिए ।

व्यवसायी राणा भारतीय संयुक्त लगानीमा स्थापित डाबर नेपालका साझेदार एवं प्रबन्ध निर्देशक पनि हुन । उनी राष्ट्रिय खेलकुद परिषद्को सदस्य सचिव पनि भएका थिए ।

पूर्वराजदूत राणाको जन्म १२ मार्च, १९३६ मा भएको थियो । उनको आइतबार दाहसंस्कार गरिने परिवारजनले बताएका छन ।