काठमाडौं । एमाले सांसदहरूको अवरोधबीच प्रतिनिधिसभामा ‘विनियोजन विधेयक, २०७८’ स्वीकृत भएको छ ।
सभामुख अग्निप्रसाद सापकोटाले बैठकको कारवाही प्रारम्भ भएको घोषणा गर्नासाथ एमाले सांसदहरूले रोस्ट्रम अघिल्तिर पुगेर नाराबाजी सुरु गरेका थिए । उनीहरूको नाराबाजीबीच सभामुख सापकोटाले अर्थमन्त्री जनार्दन शर्मालाई ‘विनियोजन विधेयक, २०७८ माथि विचार गरियोस्’ भन्ने प्रस्ताव प्रस्तुत गर्न अनुमति दिए ।
छलफलमा नेमकिपा सांसद प्रेम सुवालले मात्र भाग लिएका थिए । उनले पनि विधेयकबाहिर गएर आफ्नो भनाइ राखेका थिए । त्यसपछि अर्थमन्त्री शर्मालाई छलफलमा उठेका प्रश्नको जवाफ दिएका थिए ।
र, विधेयकलाई सभामुख सापकोटाले निर्णयार्थ प्रस्तुत गरे र बहुमतका आधारमा पारित भएको घोषणा गरे ।
प्रतिक्रिया