काठमाडौं । कोरोना भाइरसको कारण स्थगित भएको कक्षा १२ को परीक्षा आजबाट सञ्चालन हुन लागेको छ ।
भाइरसको कारण स्थगित भएको ्परीक्षा आजबाट सञ्चालन गर्न लागिएको हो । परीक्षाको सबै तयारी पूरा भएको राष्ट्रिय परीक्षा बोर्डले जनाएको छ ।
बोर्डका अनुसार आज बिहान ११ बजेदेखि २ बजेसम्म परीक्षा सञ्चालन हुनेछ । यस पटक होम सेन्टर तय गरिएको छ ।
सरकारले तोकेको स्वास्थ्य मापदण्ड र सामाजिक दूरी पालना गरी परीक्षा संचालन गरिने बोर्डले जनाएको छ । त्यसैअनुसार परीक्षा केन्द्रलाई निर्देशन दिइएको छ ।
१८ वर्ष नाघेका कक्षा १२ का विद्यार्थीलाई भने कोरोना विरुद्धको खोप लगाइएको छ । कक्षा १२ को परीक्षा असोज ८ गतेसम्म संचालन हुने बोर्डका सदस्यसचिव दुर्गा अर्यालले बताए ।
यसअघि साउन ३१ गतेबाट हुने भनिएको परीक्षा स्थगित गरिएको थियो । त्यसअघि वैशाखमा पनि परीक्षाको तयारी गरिएको थियो ।
आजबाट सुरु हुने यो परीक्षामा तीन लाख ७४ हजार विद्यार्थी सहभागी हुँदैछन् ।
प्रतिक्रिया