निमोनियाका कारण रुपन्देहीका पत्रकार बिन्दुकुमार चौहानको मृत्यु

खबर कुरा
३० भाद्र २०७८, बुधबार
                 

बुटवल । नेपाल पत्रकार महासंघ लुम्बिनी प्रदेश समितिका सदस्य रुपन्देहीका पत्रकार बिन्दुकुमार चौहानको मृत्यु भएको छ ।

युनिभर्सल कलेज अफ मेडिकल साइन्स (युसिएमएस)भैरहवामा निमोनियाको उपचार गराइरहेका ४५ वर्षीय चौहानको गएराति साढे १२ बजे उपचारका क्रममा मृत्यु भएको पत्रकार महासंघ रुपन्देही अध्यक्ष रामराज पोख्रेलले जानकारी दिए ।

लुम्बिनी क्षेत्रमा रहेर पत्रकारिता गरिरहेका चौहान तीन दिनअघि निमोनिया देखिएपछि लुम्बिनी प्रादेशिक अस्पताल बुटवलमा भर्ना गरिएकोमा अवस्था गम्भीर भएसँगै मेडिकल कलेजमा भर्ना गरिएको पोख्रेलले जानकारी दिए ।

चौहान नेपाल पत्रकार महासंघ रुपन्देहीका पूर्वकार्यसमिति सदस्य हुन् । दुई दशकदेखि रुपन्देहीको लुम्बिनी सांस्कृतिक नगरपालिकामा रहेर पत्रकारिता गर्दै आएका चौहानका श्रीमती, चार छोरा र तीन छोरी रहेका छन् ।

चौहानको निधनप्रति नेपाल पत्रकार महासंघ लुम्बिनी प्रदेश समिति र रुपन्देही शाखाले दुस्ख व्यक्त गरेका छन् ।

 

यसमा तपाइको मत

Your email address will not be published. Required fields are marked *


*